LAST DAY

(韶關)



終於都到左今日, 終於離開了.

番工時想, e段路行左幾年, 第日冇乜機會行.
番到公司行一段長走(朗), 平時一日來來回回行n次, 第日又冇乜機會行.
感覺很特別.

整朝, 感覺最大都係又番張staff card, medical card, employee handbook and key 比 admin時. 果野先察覺到完結了, 交左張card, 要開門番位都要找同事幫手, 上一分鐘仲可以出入自如....um....special feeling.....

最失策唔記得同張staff card 影番張相.

放工都冇乜失落感, 可能之後已經約左一班可愛既同事去飲茶跟住上我屋企玩.

開心既時間真係太短, 一堆人打牌, 一堆人打機, 好開心.....但係最衰太遲通知佢地, 攪到佢地一早已經約左人, 要在晚上六時多走, 好似未玩得盡興.....下次早d通知, 可以玩成日. 今日都有d同事泥唔到, 咁希望下次可以人齊拉...
___________________________________________________________________

晚上沖完涼在房思考, um.....如果我早一兩年走左, 可能回想在e間公司做野, 到底得到d乜. 可能果時想唔出, 但係而家我有答案, 就係一班好同事.....希望日後都可以保持聯絡...可以成日都出泥玩, 飲飲食食...打波....

(我認識到你們真係被安排的, 記得之前都有機會可以走, 如當時決定走, 就認識不到你們e班一兩年貨仔既同事...hoohoho)

另外, 在這裡真係比我看到很多東西, 辦公室政治, 人的真假面具, 野大心的, 默默(奸雲)的(haha...唔記得點打, 唔該提下我), etc etc........

如沒有在地獄活過, 又點知天堂既美麗...

如在外面都會撞番一個佢咁既人, 咁我真係唯有認命...haha....

___________________________________________________________________

p.s.: Cheap Cheap Free: 我要上數...擇日重賽!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!