爺爺嫲嫲

今個月見了兩次爺爺嫲嫲, 注視他/她的面孔, 步行的步姿, 他們真的老了, 突破間好怕失去佢地.

由細到大佢地都好錫我, 我以前每逢暑假都會去嫲嫲屋企住, 一住就兩個幾月. 所以感情都好深厚. 細個果時嫲嫲都cut 罐頭包魚, 又會蒸乾(搖)柱比我食, 而家諗番起都回味冇窮.

她又會買好多零食比我, 我細個時既喜愛有, 尤魚絲, 金大滋, 手指餅, 有水印既香口膠, 公仔頭既糖, m&m, 孖雪條....etc etc....

最攪笑我成日同阿爺爭電視睇, 佢係亞視人, 我係TVB人, 佢一入Toilet我就轉台, 我一入去沖涼佢就轉佢.

最記得以前會跟佢地去行晨連, 朝早3, 4 點起身, 去九龍仔公園. 6點落山番屋企煮白粥食. 十二點食早餐, 下午會午睡, 三點幾起身嫲嫲會沖美綠飲, 仲會有消化餅.

晚上大約6點幾食飯.....飯後仲要食魚肝油.....

好記得好記得........好後悔以前冇係九龍城寨影多d相.....

佢地係住十二樓頂樓, 冇lift, 我又好鐘意上天台玩, 可以由一棟樓行去另一棟樓, 超好玩. d飛機係屋頂飛過超近, 好似會模到咁....

由細到大, 其實我好鐘意飛機, e 樣野應該冇咩人知, 因為我都冇講過, 鐘意飛機我想在九龍城的日子對我都有些影響. 以前成屋大人, 去佢地度住其實應該好悶, 但又唔係, 可能我係一個超級電視迷, 有部電視就可以. 又可能以前成日自己一個玩, 又形成自己想東想西, 成為而家既思想型....

成日都想為佢地做番d野. 之前都有個諗想, 不如在教會攪下/參加下探訪老人院, 但而家既想法就係, 自己家的老人家都小去探訪, 反而去探訪其他的, 是不是太不孝呢?!!

願主保守他/她們健康!