腳仔軟 + 超開心

終於都合格拉.......

覺得自己好似已經學左十年車咁, 好辛苦.
雖然今次唔係第一次, 但考之前都緊張到有小小腳軟....

今個星期已經每日咁諗, 要唔要再排期. 因為天文台一早已經話今日會有雷暴同埋大雨, 好擔心.
但又心想, 再排期咪又係要比錢補堂, 又係要駛錢, 終於頂硬上.

考之前再上二堂. 嘩....居然在考車路線上的旁邊位置其他車輛發生交通意外. 果陣時兩點, 而我考三點, 我仲鬼死咁緊張問師傅, 清唔清得設場嫁, 唔係D路線塞死埋點攪.......好彩個師傅都話, 唔緊要, 要警察泥到就會好快清到場......幸好如他和說.....

*********************************************************************************

今朝由上午到考試都未食過野，　心情係又緊張又肚餓．．．

考前仲覺得隻腳有Ｄ震同埋腳軟．．．．（我諗同緊張及肚餓都有關）


個考官一上車, 個心已經定左小小　
（之前果D係帶住副黑超, 個樣串串咁....）
今之E個係帶住副金邊眼鏡, 斯斯文文......

佢一出聲個心又定多小小, 因為佢好NICE.... 又事前已經講好D路線話比我聽點行....好細心....
（之前果Ｄ係在轉彎位前先同你講轉去邊）

考完停車果時，　個考官仲叫我慢慢泥，　唔駛急停車熄匙．．．．

考完都知道應該冇問題，　自己起碼知道自己冇大錯發生．　
但係等成績單出果下又係緊張到爆，　簡直坐立不安．．．．
收到成績單果下有Ｄ手震，　一睇就真係感覺到咩係叫　（放下心頭大石）．

其實如果今次仲唔合格，　我係會一路考到合格為止．　一來自己好想揸車，　二來有個同事鼓勵我，　（你要比心機呀，　你諗下，　只要係有一次PASS, 個牌就跟你成世）．．YEAH...THANKS 　舒文．

有時考試Ｅ家野真係睇你好唔好彩遇到一個好考官．．．． 遇到一個好考官，　個心定Ｄ已經係PASS左一半．

不過學車最緊要都係果師傅，　學學下發覺果師傅唔掂真係要快Ｄ轉．．．．
我第二個師傅教我時，　簡直係大執．　每一個動作都有野錯．．．多謝陳師傅．．．佢真係教得幾好．　

走時佢仲同我講: 你自己揸車果時小心 Ｄ LA

好感動．．．．．!!!

考到之後已經四周圍話比人聽考到．．．．．．KAKA．．．好多人都中左招．．．．＾＾V
實在太開心．．．YEAHHHHH!!!!