好眼訓

可能前個星期真係太舒服,
攪到今個星期好眼訓...

今個星期...
一切還是觀察中.

明天又開始轉冷,
寒冷係我最怕,
冷只會令我想睡,
想冬眠....

孝順

同阿爸慶祝生日 (其實未到),
去左西貢食海鮮,
超正!

阿爺同阿嫲仲食得好滋味,
老左,
行動不方便,
落街買野都有困難,
何況仲要自己煮埋!!!

不奇然就自己在想,
第日自己會點呢!

一些人時常探訪老院,
做義工,
當然值得讚賞,
但他/她們家的老弱,
又有沒有被照顧好呢????????

一個時常去老人院幫老人家剪頭髮既人,
可能會對家中年老父母呼呼喝喝,
咁樣..
係唔係好可笑!!!

要問下自己,
有冇對其他人,
仲好過對家人,
相信有很多的...
真要反省反省!!!

一壽司

終於去到一壽司食野
次次行過都超多人
好彩今之去得早
如果唔係有排等

d刺身都幾新鮮
同埋有很多花款
我地最後仲食埋甜品
南瓜雪糕--------極力推介
菠蘿雪芭--------好清..好好味

食完野就行City Super
去買我既至愛 Miso
上次果隻雖然都好好味
但係今次都有買第二隻牌子試
City Super既Miso 就泥比我試晒

唔知點解每次一入親City Super
心情可以輕鬆晒
我連自己都唔明點解咁鐘意日本的東東

煲劇

這幾日不停地溫日文
好擔心之後會冇乜時間溫書

睇完My boss my hero
真係笑死左
估唔到長瀨智長可以做得咁攪笑

好下一個目標係交響情人夢
自從鐘意聽IL DIVO之從
覺得交響樂好聽左好多

撒謊

今日睇鏗鏘集

內容係講一個不足十歲既女童
因腦內生了一個腫瘤
由一個活潑好動的她
變成差不多全身已不能動
而且雙目已經失明

父母問她..她的心願是什麼
不是要見什麼明星
不是要什麼玩具, 遊戲機
是要看天安門的升旗
嘩..多麼偉大的一個心願

最後因為她的身體差不能上北京的關係
就在她住的地方
她的爸爸以及一間願意幫手的報館
聯同二千多人做了一場戲
扮在天安門升旗

雖然只是一個謊言
但又真的很令人感動

都是一些大世界內的小故事
最令人感動

小欖BBQ

今日同一班同事去bbq
小欖燒烤場是我第二次去的
不過今天天氣不是很好
大氣中好似有一層霧咁
空氣質素好差

最估不到今天會收到禮物
真是super thanks
其中那一本日文字典已經想買好耐
yeah...

G + Shek 車我回家
回家果程車真係好手痕好想自己楂
條路又冇乜車
又冇乜紅綠燈
好好玩

四位非吸煙, 唔該

今日打完波之後去食飯
佳滿真係時時都咁多人
在門口企左一陣
突然有個小朋友出現同阿伙計講
四位非吸煙區, 唔該
身邊既人立即爆笑
最後伙計唯有同佢講
而家冇得食煙la
我諗小朋友都未知發生緊咩事
要多d新聞la...

節目豐富

星期日早上感到有點頭痛,
在床上掙扎,
番唔番好,
但係又唔想新一年第一次的祟拜,
最後都番了...

下午約了小恩同小芬同小偉去食KFC,
好好味,
食左至愛葡tart, 巴( )香雞翼, 同栗米...
但阿小芬等人地買晒野先同人講,
同八達通買滿30蚊有栗米送,
真係唔開心...><

之後我地仲在十度下走左去踏單車,
不過好正,
有太陽晒住又唔覺凍,
去到science park 就折返,
再去海濱...

晚上仲去左小芬屋企打邊爐,
節目豐富的一天ar....

星期一晚book左場打羽毛球,
嘩..唔掂..
d體力未 recover..
力不從心..
累到抽筋..
之後又係去左打邊爐....

果湯勁好飲..yeah!

心涼

惡人自有惡報...

今日終於應現在她身上....
只要平時真心對人,
一定有人同你抱不平...

Big Mac 個報又幾時應...
真是等得太久!

2007

Lovely 曦曦

　　　　　　　　　　Amazying Sunset


今日心情好好,
早上番教會,
下午去BBQ....

今次又係去番渡頭村，
果度ｄ風景真係好靚．．

今次亦都係第一次揸車去果度，
感覺真係去正，
雖然路程好近，
但係揸車去玩既感覺真係wonderful....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
終於踏入２００７年，
２００６年對我來說算係幾好的一年，
最緊要係身體健康，
工作順利，
靈修上要努力ｄ．

總之一齊順利la.....