日本...災難之國

好心痛日本成日都受到e d 災難
通知朋友唔好去日本住....


東京現異象 恐爆八級巨型地震

最近日本地震頻仍，加上又接近大地震的百年周期，關於關東大地震快將重臨的說法，在日本甚囂塵上。有專家就根據空氣的離子濃度，大膽預測類似關東大地震的8級以上災難地震，有可能在本月底前發生...

非同小可

呢一次真係非同小可
昨晚終於訓唔到
成條頸用唔到力
一轉身就痛到飛起

點算
駛唔駛睇醫生呢....

訓o係頸

今日經歷左由出世以來最痛既訓o係頸
真係估唔到可以痛成咁

坐小巴時..
轉彎痛, 開車痛, 停車痛...仲要係痛到差d標眼水
行路時...
落樓梯痛, 上落梯痛,
上堂時...
寫字痛, 望screen時痛, 望阿 sir 時痛..

總知成日都痛痛痛

放學時
捱到去大圍站
就坐的士番屋企

番到屋企煮麵食
個電磁板上剛煲完水
一拎起個煲己經拉到條頸筋
又痛到飛起....

最後
終於出動阿媽同我捽藥油
到埋貼藥布

個氣頸痛到飛起時
貼果d藥布又真係幾舒服
希望聽朝訓醒之後就冇事拉

光明正大

成五十歲人結婚生仔有咩咁大件事
比人踢爆之後仲要做埋d野咁小家

自己隱瞞結婚生仔
雖然講大話
但他人都可以理解唔想家人暴光而影響生活

但他之後既舉動實在太不濟
什麼人工受孕....呢d野駛鬼解釋.....唔通你d fans 就信你24年來都冇性行為咩
明明個blog之前比人任入....而家又要註冊又要入 password...有心入要註冊有何難度
寧願比人話係基佬....都唔認有女朋友

真係好無聊地維護自己單身形象....
鐘意得你既fans...冇三張都二張幾......仲以為係十幾歲既妹妹咩...

唔該一係就大方d
一係就唔好表態...橫掂根本就唔需交代